ბიზნესებისთვის

ჩვენ გვჯერა ეთიკური და გონივრული შოპინგის. ჩვენი ყველა პროდუქტი საგულდაგულოდ არის შერჩეული და შეესაბამება ჩვენს ძირითად ღირებულებებს: მდგრადობას, 0 ნარჩენს, ვეგანურ შემადგენლობას, გადამუშავებულ მასალებს და სამართლიან ვაჭრობას.
Kenkra Organic Skincare-ში განსაკუთრებულ ყურადღებას ვაქცევთ გარემოზე ზემოქმედების შემცირებას. სწორედ ამიტომ, პროდუქციის შეფუთვებისა და ყუთების ტრანსპორტირებისთვის ვიყენებთ Eco Taxi-ს ეკო-მეგობრულ სერვისს. მათი მდგრადი მიდგომა გვეხმარება ემისიების შემცირებაში და გვაძლევს შესაძლებლობას, ერთგულნი დავრჩეთ ჩვენი მწვანე და პასუხისმგებლიანი ბიზნეს პრაქტიკის მიმართ.

დღეს, როცა გარემოს დაბინძურება ერთ-ერთ ყველაზე მწვავე გლობალურ გამოწვევად რჩება, ხშირად გვგონია, რომ ერთი კომპანიის ან ადამიანის ძალისხმევას არსებითი ცვლილებების გამოწვევა არ შეუძლია. თუმცა BDO-ში ვთვლით, რომ სწორედ მცირე ნაბიჯებით იქმნება ხელშესახები  შედეგები. თითოეული ქმედება მნიშვნელოვანია, როცა ის საერთო მიზანს ემსახურება. უკვე რამდენიმე წელია, ოფისში ვახარისხებთ და ვაგროვებთ მეორად პლასტმასას, მაკულატურასა და ელემენტებს, რადგან გვწამს, რომ გარემოზე ზრუნვა იწყება ყოველდღიური ჩვევებით. თითოეული ასეთი ქმედება ამცირებს ეკოლოგიურ ზეწოლას და აყალიბებს უფრო მდგრად, უსაფრთხო და ჯანსაღ ეკოსისტემას.

Sative არის სივრცე, რომელიც კეთილდღეობაზეა ორიენტირებული. ჩვენი მიზანია, წევრებმა ყოველდღიურად უკეთ იგრძნონ თავი. ამისთვის კი საჭიროა ზრუნვა - საკუთარ თავზე, ერთმანეთზე და იმ გარემოზე, სადაც ვცხოვრობთ. სწორედ ამიტომ, ნარჩენების გადამუშავება ჩვენი ღირებულებების მნიშვნელოვანი ნაწილია. ვიმედოვნებთ, რომ უფრო მეტი ადამიანი დაუჭერს მხარს Parki ar Minda-ს ინიციატივას და გაიზიარებს ჩვენს ღირებულებებს.

ორ წელიწადზე მეტია,  ჩვენი გუნდი ნარჩენებს ახარისხებს თბილისში მდებარე ოფისში და Parki ar minda-ს ეკო-ტაქსის დახმარებით გადასამუშავებლად აგზავნის.
თქვენი მომსახურების წყალობით, გადამუშავების პროცესი მარტივი და მოსახერხებელი გახდა, რაც გვაძლევს შესაძლებლობას, გარემოს დაცვაში ჩვენი წვლილი შევიტანოთ.
გვსურს მადლობა გადაგიხადოთ საიმედო თანამშრომლობისთვის და თქვენს გუნდს შემდგომი ზრდა და წარმატება ვუსურვოთ! 🙌🏻

Secret Place-ის გუნდი მთელი გულით უჭერს მხარს ნარჩენების დახარისხების იდეას, ამიტომ ჩვენი თანამშრომლობა Parki ar Minda-სთან საერთო საქმის მნიშვნელოვანი წვლილია. გვიხარია, რომ თბილისში არსებობს ასეთი ინიციატივა და უკვე სამი წელია გვაქვს შესაძლებლობა, მისი ნაწილი ვიყოთ. ეკო-ტაქსის გარეშე ასეთი დიდი მოცულობის გადამუშავებადი მასალის გატანა შეუძლებელი იქნებოდა, ამიტომ პროექტის თითოეული თანამშრომლის მიმართ უზომოდ მადლიერები ვართ.
გისურვებთ კიდევ უფრო მეტ განვითარებასა და გაფართოებას, რათა რაც შეიძლება მეტმა ადამიანმა შეძლოს ისარგებლოს გარემოს დაცვის ამ მარტივი და ხელმისაწვდომი გზით.
დიდი მადლობა!